Newcastle yanusurika,Sunderland yapata sare

Klabu ya Newcastle imaimarisha matumaini yake ya kusalia katika ligi kuu ya Uingereza kufuatia bao la Andros Townsend na penalti iliopanguliwa na kipa wa kilabu hiyo dhidi ya Crystal palace.

Huku Norwich ikicheza dhidi ya Arsenal na Sunderland kutoka sare na Stoke,Newcastle sasa imepanda hadi nafasi ya 17 na kuondoka katika eneo la kushushwa daraja.
Towsend aliipatia Newcastle bao la kwanza baada ya mapumziko kupitia shambulio kali.
Kipa Darlow baadaye aliokoa Newcastle alipookoa penalti ya Yohan Cabaye.

Read More

Uwindaji haramu: Kenya yachoma pembe za ndovu

Rais wa Kenya Uhuru Kenyatta amezichoma pembe za ndovu katika juhudi za kuonyesha taifa lake kuhusu umuhimu wa kuwahifadhi ndovu.

Zaidi ya tani 100 za pembe za ndovu zilikusanywa katika mbuga ya wanyama ya Nairobi ambapo zinatarajiwa kuchomeka kwa siku kadhaa.
Pembe hizo zinawakilisha karibia pembe zote zilizopatikana na serikali zikidaiwa kutoka kwa takriban ndovu 6,700.
Hatahivyo wengine wametofautiana na hatua hiyo ya Kenya wakisema inaweza kuongeza visa zaidi vya uwindaji haramu.
 
Kabla ya kuwasha moto huo,Bw Kenyatta alisema: Wingi wa Pembe hizi ndio unaotupatia shinikizo zaidi kukabiliana na visa vya uwindaji haramu.
''Hakuna na narudia hakuna mtu aliye na sababu ya kushiriki katika biashara ya pembe za ndovu''.

Read More

Uhuru ataka mmiliki wa jumba la maafa kukamatwa

Rais wa Kenya Uhuru Kenyatta ametaka kukamatwa kwa mmiliki wa nyumba ilioanguka mjini Nairobi na kuwaua watu saba.

Kenyatta aliyezuru mkasa wa tukio hilo pia amewataka wakaazi wa nyumba zilizopo karibu na eneo hilo kuondoka wa kuwa nyumba hizo zimethibitishwa kutokuwa salama.
Maafisa wa Kaunti ya Nairobi wamethbitisha kuwa nyumba hiyo ilikuwa imeorodheshwa miongoni mwa majumba yaliotarajiwa kuvunjwa kwa kuwa haikuafikia viwango vya nyumba ya kuishi watu wengi.
 
Juhudi za uokoaji zinaendelea lakini zimetatizwa na mvua kubwa inayoendelea mbali na uwezo wa kufikia eneo hilo.
Jeshi la Kenya linaloongoza juhudi hizo za uokozi limelazimika kutumia mikono na misumeno ya kielektroniki kuchimba chini ya vifusi kwa kuwa vifaa vinavyohitajika katika zoezi hilo haviwezi kuingia katika eneo hilo.

Read More

Msikiti waporomoka na kuwaua watu 15 Mogadishu

Msikiti uliokuwa ukikarabatiwa umeporomoka nchini
Somalia na kuwaua watu 15 na kuwajeruhi wengine 40.
Kisa hicho kilitokea katika msikiti mmoja wa mjini
Mogadishu wakati wa ibada ya Ijumaa.
Hatahivyo maelezo yalitolewa siku ya Jumamosi.Mamia
ya watu walidaiwa kuwa ndani ya msikiti huo wakati
ulipoporomoka na wengine wanaaminika kuwa chini ya
vifusi vya jengo hilo la ibada.
Muhandisi mmoja aliyekuwa akiufanyia ukarabati
misikiti huo alikamatwa kwa tuhuma za
uzembe,vyombo vya habari vya eneo hilo
vimeripoti.Mvua kubwa imenyesha katika eneo hilo
katika siku chache zilizopita.
Serikali ya Somalia inadhibiti Mogadishu na miji
mingine,lakini wapiganaji wa al-Qaeda wanaoshirikiana
na kundi la wapiganaji wa al-Shabab wanatawala
maeneo mengi ya mashambani.
Zaidi ya wanajeshi 22,000 wa Umoja wa Afrika na polisi
wamepelekwa nchini humo kuilinda serikali.

Read More

Ada ya kupiga simu Ulaya yashuka kwa 75%

Ada ya kupiga simu kupitia mitandao mingine katika
muungano wa bara Ulaya imeshuka kwa kiwango
kikubwa, ikiwa ni hatua ya mwisho kabla ya ada hiyo
kuondolewa kabisa kwa raia wa bara Ulaya mwaka
ujao.
Ada hiyo huwa haiwapendezi raia wengi wa bara hilo
wanaosafiri kwa shughuli za kibiashara na burudani.
Tume ya muungano huo inasema ada hiyo imeshuka
kwa asilimia 75.
Serikali imesema kuwa wale wanaopiga simu ,kupakua
data ama kutuma ujumbe watahifadhi mamilioni ya
pauni kwa ada kufuatia mabadiliko hayo.
Mamilioni ya Waingereza hutumia pauni milioni 350 kila
mwaka kutokana na ada hizo za kupiga simu miongoni
mwa mataifa ya bara hilo,alisema waziri wa uchumi wa
kidijitali Ed Vaizey.

Read More

Urusi na Marekani zalaumiana kuhusu uchokozi wa ndege

Urusi inasema kuwa ilikuwa na haki kuikabili ndege
moja ya Marekani katika bahari ya Baltic siku ya
Ijumaa.
Hatua hiyo inajiri baada ya Marekani kusema kuwa
ndege ya kijeshi ya Urusi ilizua hofu ya kiusalama
baada ya kuzunguka karibu na ndege yake.
Urusi inasema kuwa ndege hiyo ya Marekani ilikuwa
imezima kifaa chake cha kurusha ishara zake ambazo
husaidia wengine kuitambua.
Ni kisa cha pili katika bahari ya Baltic mwezi huu
ambapo Marekani imezishtumu ndege za Urusi kwa
kupaa kwa uchokozi.
''Ndege zetu zote za Urusi zinafuata sheria za
kimataifa kuhusu utumiaji wa anga'',taarifa ya wizara ya
Ulinzi nchini Urusi ilisema.
''Ndege za Marekani zina mambo mawili:Zisiruke karibu
na mpaka wetu ama ziwashe ishara ili kutambulika''.
Ndege za Marekani mara kwa mara hujaribu kupaa
karibu na anga ya Urusi bila taa zinazoonyesha ishara
taarifa hiyo ilisema.
Katika kipindi cha miezi 18 iliopita,Urusi pia
imeshtumiwa kwa kutekeleza kitendo kama hicho katika
bahari ya baltic pamoja na karibu na maji ya Uingereza.

Read More

Waandamana dhidi ya chama chenye sera zinazopinga Uislamu

olisi nchini Ujerumani wamewazuilia mamia ya waandamanaji wanaopinga chama cha mrengo wa kulia cha AFD.
Zaidi ya maafisa 1000 wametumwa katika eneo la mkutano wa chama hicho katika mji wa Stuttgart kutoa ulinzi.

Polisi wametumia maji ya pilipili kuwatawanya waandamanaji waliobeba vijiti na vyuma, na kuchoma moto tairi kwenye kiingilio cha eneo la mkutano wa chama hicho, ili kuwazuia wanachama wake.
Chama hicho kinatarajiwa kuzinduliwa upya, na kutangaza wazi kuwa kinapinga dini ya kiislamu.
 Chama hicho kinapanga kupiga marufuku vazi la kidini la burqa, minara ya misikiti ambapo mwadhini hutangaza wito wa maombi, na pia kupiga marufuku mwito huo wa waadhini.

Read More

Maandamano yachelewesha hotuba ya Trump

Maafisa wa polisi wa kutuliza ghasia nchini Marekani, wamewaondoa maelfu ya waandamanaji walioshiriki katika maandamano makubwa nje ya eneo la mkutano wa chama cha Republican, ambapo mgombea wa tiketi ya urais wa chama hicho Donald Trump alikuwa akihutubia.

Mgombea huyo aliingia katika eneo la mkutano chini ya ulinzi wa maafisa wanaomlinda rais wa Marekani maarufu kama Secret service, kupitia mlango wa nyuma.
wana Trump amewaambia wajumbe wa chama hicho kuwa wanafaa kumuunga mkono kwani kinyanganyiro cha wagombea wa Republican kimefikia kikomo.
Waandamanaji wamekuwa wakisambaratisha mikutano ya Donald Trump katika maeneo tofauti nchini Marekani, kutokana na msimamo wake dhidi ya waislamu na wahamiaji.

Read More

Jumba lililoporomoka lawaua watu 7 Nairobi

Polisi katika mji mkuu wa Kenya Nairobi wanasema kuwa takriban watu saba waliuawa wakati nyumba moja ilipoanguka katika mtaa mmoja mjini humo.

Waokoaji wanaendelea kutafuta watu wanaohofiwa kukwama ndani ya vifusi vya jengo hilo la ghorofa sita kufuatia mvua kali inayoendelea kunyesha ambayo imesababisha mafuriko.
Takriban watu 120 wameokolewa kufikia sasa katika mtaa huo wa Huruma.
Shirika la msalaba mwekundu linasema kuwa takriban familia 150 ziliathiriwa na mkasa wa jumba hilo lililojengwa miaka miwili iliopita
Waliojeruhiwa wamepelekwa katika hospitali ya Mama Lucy iliopo mjini humo.

Read More

MAGAZETI YA LEO APRILI 30

Read More

Je huu ni mji mkongwe kutoka Tanzania?

Mpiga mbizi mmoja anaamini amegundua kile ambacho huenda ni mji mkongwe kutoka pwani ya Tanzania ambao ulimezwa na bahari, kwa mujibu wa taarifa kutoka gazeti la nchini humo Dar Post.
Katika blogu yake Alan Sutton amesema alikuwa kwenye helikopta akielekea kisiwa cha Maffia wakati 'aliona muundo fulani ndani maji'.
Alirudi katika sehemu hiyo na kugundua masalio yenye umbali wa kilomita 3.5
Amekadiria kwamba huenda masalio hayo yana miaka takriban 550.
Hii ni kutokana na kuta za matumbawe - ambazo zina upana wa mita 2.5 na anasema kwa kawaida matumbawe hukuwa kwa milimita 4.5 kwa mwaka.

Read More

Magufuli: Polisi sharti wajirekebishe

Rais wa wa Tanzania Dkt John Magufuli amelitaka jeshi la polisi nchini pamoja na ofisi ya mwendesha mashitaka kujirekebisha katika utenda kazi na kujiepusha na kashfa.

Amesema taarifa zinaonesha jeshi la polisi limekuwa likihusishwa na matumizi mabaya ya fedha hali inayoongeza ukubwa wa matatizo yanayokwamisha utendaji wake wa kazi.
Akiongea alipokuwa akifungua kikao cha kazi cha makamanda wa polisi wa mikoa, mawakili wafawidhi wa serikali wa mikoa na wakuu wa upelelezi wa Mikoa na Vikosi, Dodoma ametoa mfano wa taarifa za matumizi mabaya ya fedha zinazotolewa kwa ajili ya kununulia vifaa na sare za askari.
Aidha, amezungumzia mikataba yenye mashaka inayotiwa saini kati ya polisi na wawekezaji akisema baadhi ya mambo yanayoongeza hali ngumu ya utendaji kazi kwa jeshi hilo.
“Nimesema lazima nizungumze kwa uwazi, nisiposema kwa uwazi nitajisikia vibaya nikimaliza mkutano huu, nataka muelewe na muelewe ukweli direction (njia) ninayoitaka mimi.”
Dkt. Magufuli pia amelitaka jeshi la polisi kujiepusha na kashfa ambazo zimekuwa zikisemwa dhidi yake, ikiwemo maafisa wa polisi kujihusisha na biashara ya dawa za kulevya na kuazimisha silaha kwa wahalifu wa ujambazi.
Kuhusu Ofisi ya Mwendesha Mashitaka, amesema amekuwa akisikitishwa sana na vitendo vya serikali kushindwa katika kesi nyingi mahakamani licha ya kuwa na wanasheria mahiri.
"Niwaombe mawakili na polisi wanaohusika na upelelezi mtangulize maslahi ya nchi mbele, kwa sababu kumekuwa na usemi kwa baadhi ya wapelelezi na mawakili wachache, nasema wachache, panapokuwa na kesi inayohusiana na pesa pesa, wana misemo yao wanasema dili limepatikana,” amesema.
“Na saa nyingine kesi inapopelekwa mahakamani wana-collude (wanakula njama) mawakili wa serikali na mawakili wanaomtetea mhalifu, na wanapo-collude (wanapokula njama pamoja) siku zote serikali inashindwa.”

Read More

Je, ni wakati gani mtoto huwa mtu mzima?

Jaji mmoja nchini Kenya amemwachilia huru mshukiwa mmoja ambaye alikuwa amehukumiwa kifungo cha miaka 20 jela kwa kumbaka mtoto wa miaka 13.

Ijapokuwa umri wa mtoto kuwa mtu mzima nchini Kenya ni miaka 18 jaji aliamuru kwamba kesi hiyo haiwezi kuwa ya ubakaji kwa kuwa mtoto huyo alijifanya kuwa mtu mzima na kwamba alikuwa akifurahia kufanya tendo la ngono na wanaume.
Hatahivyo afisi ya mwendesha mashtaka nchini imesema itakata rufaa dhidi uamuzi wa jaji huyo.i.
Naibu mkurugenzi wa mashtaka DPP Vincent Monda amesema kuwa hakufurahishwa na uamuzi wa jaji Said Chitembwe katika mahakama ya rufaa kumwachilia bw Martin Charo.
Jaji Chitembwe alisema kuwa msichana huyo alijifanya kama mtu mzima na hivyobasi mshukiwa hakuwa na makosa.
''Ni kweli kwamba chini sheria ya unyanyasaji wa kingono,mtoto chini ya umri wa miaka 18 hawezi kutoa rukhsa''.
''Hatahivyo iwapo mtoto huyo atajifanya kuwa mtu mzima na kuingia katika nyumba ya mwanamume kwa lengo la kufanya mapenzi,mahakama inafaa kumchukulia mtoto huyo kuwa mtu mzima'',jaji huyo aliamuru wiki iliopita.
''Mshtakiwa hakutarajiwa kuuliza miaka ya mlalamishi kutoka kwa mtu mwengine,uhusiano huo uliendelea hadi kufikia kiwango ambacho umri haukuwa swala muhimu'',alisema jaji huyo akiongezea kwamba ''ni makosa kumpatia kifungo cha miaka 20 bwana Charo ilihali mlalamishi aliupendelea uhusiano wao''.
Jaji huyo baadaye alisema kuwa ''ijapokuwa umma utakasirishwa utakaposikia mtu mzima akijihusisha kimapenzi na mtoto,isisahaulike kwamba mambo yamebadilika na kwamba watoto wadogo sasa wanashiriki katika ngono wakiwa katika umri mdogo''.
Je maoni yako ni yapi,na ni umri gani katika eneo lako ambalo mtoto hutambulika kuwa mtu mzima?

Jaji mmoja nchini Kenya amemwachilia huru mshukiwa mmoja ambaye alikuwa amehukumiwa kifungo cha miaka 20 jela kwa kumbaka mtoto wa miaka 13.

Ijapokuwa umri wa mtoto kuwa mtu mzima nchini Kenya ni miaka 18 jaji aliamuru kwamba kesi hiyo haiwezi kuwa ya ubakaji kwa kuwa mtoto huyo alijifanya kuwa mtu mzima na kwamba alikuwa akifurahia kufanya tendo la ngono na wanaume.
Hatahivyo afisi ya mwendesha mashtaka nchini imesema itakata rufaa dhidi uamuzi wa jaji huyo.i.
Naibu mkurugenzi wa mashtaka DPP Vincent Monda amesema kuwa hakufurahishwa na uamuzi wa jaji Said Chitembwe katika mahakama ya rufaa kumwachilia bw Martin Charo.
Jaji Chitembwe alisema kuwa msichana huyo alijifanya kama mtu mzima na hivyobasi mshukiwa hakuwa na makosa.
''Ni kweli kwamba chini sheria ya unyanyasaji wa kingono,mtoto chini ya umri wa miaka 18 hawezi kutoa rukhsa''.
''Hatahivyo iwapo mtoto huyo atajifanya kuwa mtu mzima na kuingia katika nyumba ya mwanamume kwa lengo la kufanya mapenzi,mahakama inafaa kumchukulia mtoto huyo kuwa mtu mzima'',jaji huyo aliamuru wiki iliopita.
''Mshtakiwa hakutarajiwa kuuliza miaka ya mlalamishi kutoka kwa mtu mwengine,uhusiano huo uliendelea hadi kufikia kiwango ambacho umri haukuwa swala muhimu'',alisema jaji huyo akiongezea kwamba ''ni makosa kumpatia kifungo cha miaka 20 bwana Charo ilihali mlalamishi aliupendelea uhusiano wao''.
Jaji huyo baadaye alisema kuwa ''ijapokuwa umma utakasirishwa utakaposikia mtu mzima akijihusisha kimapenzi na mtoto,isisahaulike kwamba mambo yamebadilika na kwamba watoto wadogo sasa wanashiriki katika ngono wakiwa katika umri mdogo''.
Je maoni yako ni yapi,na ni umri gani katika eneo lako ambalo mtoto hutambulika kuwa mtu mzima?

Read More

Compassion

Compassion

• Enhances: Caring
• Balances/Counters: Judgment, Pain

The Basic Practice

Compassion is a feeling deep within ourselves —a "quivering of the heart" — and it is also a way of acting — being affected by the suffering of others and moving on their behalf. Buddha and Jesus are the most well known exemplars of compassion, and it is the central ethical virtue in the two religions that developed from their teachings.
The spiritual practice of compassion is often likened to opening the heart. First, allow yourself to be feel the suffering in the world, including your own. Don't turn away from pain; move toward it with caring. Go into situations where people are hurting. Identify with your neighbors in their distress. Then expand the circle of your compassion to include other creatures, nature, and the inanimate world.
 

Why This Practice May Be For You

The practice of compassion increases our capacity to care. It reinforces charity, empathy, and sympathy. It is very good exercise for your heart muscle.
But when you move toward others with compassion, you are likely to bump into some common attitudes, just waiting to close your heart again. The usual suspects are judgment and all its associated "isms": racism, sexism, ageism, classism, and nationalism.
On a personal level, your compassion is sabotaged by feelings of ill will toward others: spite and malice. These feelings, and others arising out of emotional wounds and personal pain, are actually symptoms indicating that you need to have compassion for yourself.

Daily Cue, Reminder, Vow, Blessing

• Seeing someone in pain is my cue to practice compassion.

• My tears remind me of my compassionate link with all beings.

• Just as a mother would protect her only child at the risk of her own life, I vow to cultivate a boundless heart toward all beings. (based on the Buddha's words in The Sutta Nipata).

• Blessed is the Compassionate One who gives us compassion as a way of touching and being touched by the world around us.

Read More

Wafanyakazi hawajalipwa Nigeria

 
Rais wa Nigeria Muhammadu Buhari amesema ana wasiwasi mkubwa kwamba karibu theluthi mbili ya majimbo 36 nchini humo hayana uwezo wa kuwalipa waanyakazi mishahara, licha ya kupokea udhamini kutoka kwa serikali ya shirikisho.
Rais Buhari amesema atajaribu kuwasilisha fedha zaidi lakini ameonya kwamba serikali kuu pia inakabiliwa na matatizo ya fedha.
Ni hivi maajuzi tu ambapo maafisa katika jimbo lililopo kaskazini mashariki mwa nchini hiyo, waligundua uhuni wa kuwalipa mishahara wafanyakazi hewa wa serikali.
Hatua zilichukuliwa kuwasaka na kuwaondosha wafanyakazi hao hewa kutoka orodha ya wafanyakazi wa serikali, na mamilioni ya dola yaliokolewa.
Nigeria, ambayo ni nchi inayozalisha mafuta ya kiwango kikubwa Afrika, imeathirika pakubwa na kushuka kwa bei za mafuta

Read More

Ndege ya abiria 14 yaanguka Norway

Ndege moja imeanguka karibu na mji wa Norway wa Bergen huku ikiwa na abiria 14 na kuna ripoti ya watu kuonekana katika bahari.

Maafisa wa uokoaji wameviambia vyombo vya habari kwamba ndege hiyo imeharibika vibaya.
Picha kutoka katika eneo la mkasa huo zinaonyesha moshi mkubwa ukifuka katika eneo lenye mwamba mkubwa.
Gazeti la Norway Aftonbladet limeripoti kwamba ndege hiyo aina ya helikopta ilikuwa ikielekea katika eneo la mafuta la Brage kutoka Bergen.

Read More

Serikali mpya ya umoja yaundwa Sudan Kusini

Rais wa Sudan Kusini Salva Kiir amelivunja bunge lake na kuunda serikali ya umoja, katika harakati za kupiga jeki makubaliano ya amani yanayolenga kumaliza vita vya wenyewe kwa wenyewe vya takriban miaka miwili.

Mpango huo unaowashirikisha waliokuwa waasi katika serikali ulitangazwa Alhamisi katika runinga ya taifa.
Theluthi moja ya mawaziri wa bunge hilo jipya ni wanachama wa chama cha SPLM-IO kilichobuniwa na aliyekuwa kiongozi wa waasi Riek Machar,ambaye alirudi mjini Juba mapema wiki hii ili kuapishwa kuwa makamu wa kwanza wa rais.
Msemaji wa katibu mkuu wa Umoja wa Mataifa aliunga mkono hatua hiyo kama ya kihistoria katika makubaliano hayo ya amani.
Makumi ya maelfu wameuawa na watu milioni 2 wakiwachwa bila makao katika mgogoro huo wa Sudan Kusini ambayo ilipata uhuru wake mwaka 2011.

Read More

Mmarekani ahukumiwa kufungwa na kazi ngumu Korea

Raia wa Marekani amefungwa jela miaka 10 na kazi ngumu nchini Korea Kaskazini baada ya kupatikana na makosa ya kufanya ujasusi, shirika la habari la Uchina la Xinhua limeripoti.

Kim Dong-chul, raia wa Marekani aliyezaliwa Korea Kusini, alikamatwa mwezi Oktoba mwaka jana.
Kim aliwasilishwa kwa wanahabari mjini Pyongyang mwezi jana na akaoneshwa akikiri makosa, na kusema kwamba alilipwa na Korea Kusini kufanya ujasusi.
Mwezi Machi, mwanafunzi mwingine Mmarekani alifungwa jela miaka 15 kwa kujaribu kuiba bango la propaganda.
Alipatikana na makosa ya "uhalifu dhidi ya dola”.

• Mhubiri wa Canada afungwa maisha Korea Kaskazini
• Waziri auawa kwa kusinzia mbele ya rais

Kim amefungwa jela katika kipindi ambacho uhusiano baina ya Korea Kaskazini na Umoja wa Mataifa, Marekani na nchi nyingine za Magharibi umedorora.

Majuzi, Pyongyang imefanya msururu wa majaribio ya kurusha makombora baada ya kufanyia majaribio bomu ya nyuklia mwezi Januari, majaribio yote yakivunja vikwazo zilivyowekwa na UN.
Pyongyang ilijaribu kurusha makombora mawili ya masafa ya wastani Alhamisi lakini yalilipuka na kuanguka baharini muda mfupi baada ya kurushwa.
Hatua hiyo ilipelekea kuitishwa kwa mkutano wa dharura wa Baraza la Usalama la Umoja wa Mataifa.

Raia wa Marekani amefungwa jela miaka 10 na kazi ngumu nchini Korea Kaskazini baada ya kupatikana na makosa ya kufanya ujasusi, shirika la habari la Uchina la Xinhua limeripoti.

Kim Dong-chul, raia wa Marekani aliyezaliwa Korea Kusini, alikamatwa mwezi Oktoba mwaka jana.
Kim aliwasilishwa kwa wanahabari mjini Pyongyang mwezi jana na akaoneshwa akikiri makosa, na kusema kwamba alilipwa na Korea Kusini kufanya ujasusi.
Mwezi Machi, mwanafunzi mwingine Mmarekani alifungwa jela miaka 15 kwa kujaribu kuiba bango la propaganda.
Alipatikana na makosa ya "uhalifu dhidi ya dola”.

• Mhubiri wa Canada afungwa maisha Korea Kaskazini
• Waziri auawa kwa kusinzia mbele ya rais

Kim amefungwa jela katika kipindi ambacho uhusiano baina ya Korea Kaskazini na Umoja wa Mataifa, Marekani na nchi nyingine za Magharibi umedorora.

Majuzi, Pyongyang imefanya msururu wa majaribio ya kurusha makombora baada ya kufanyia majaribio bomu ya nyuklia mwezi Januari, majaribio yote yakivunja vikwazo zilivyowekwa na UN.
Pyongyang ilijaribu kurusha makombora mawili ya masafa ya wastani Alhamisi lakini yalilipuka na kuanguka baharini muda mfupi baada ya kurushwa.
Hatua hiyo ilipelekea kuitishwa kwa mkutano wa dharura wa Baraza la Usalama la Umoja wa Mataifa.

Read More

Iran yaitaka Marekani kuachilia mali

Iran imetoa wito kwa Umoja wa Mataifa kuihimiza Marekani, kuachilia mali yake yaliyoshikiliwa katika benki za Marekani, sambamba na makubaliano ya mwaka uliopita ya vikiwazo wa kinyuklia.

Iran imeghadhabishwa na uamuzi wa mahakama ya juu nchini Marekani kuwa mali yake yote, yenye thamani ya dola bilioni mbili, iliyoshikiliwa nchini Marekani, ni lazima ikabidhiwe jamaa za watu waliouwawa na makundi yanayohusishwa na Tehran.

Read More

Biden afanya ziara ya ghafla Iraq

Makamu wa rais wa Marekani, Joe Biden, ameiunga mkono serikali ya Iraq iliyoko taabani, baada ya ziara yake ya ghafla, na ya kwanza nchini humo kwa kipindi cha miaka mitano.

Ikulu ya White House inasema ziara hiyo ilikuwa ishara ya kuunga mkono serikali ya Iraq, kutokana na juhudi za waziri mkuu Haider al-Abadi.

Read More

Watu 50 wauawa katika mashambulio Aleppo

Maafisa wa ulinzi wa raia katika mji mkuu wa Syria Aleppo, wanasema kuwa karibu watu 50 waliuwawa baada ya mashambulio ya angani yaliyotekelezwa na vikosi vya serikali, katika hospitali moja Jumatano usiku.

Wafanyikazi hao, wa kundi linalojulikana kama "White Helmets" walikuwa wakichimba vifusi saa 24 baada ya mashambulizi hayo ya mabomu.

Read More

UK yashauriana na Cuba

Waziri wa mambo ya kigeni wa Uingereza Philip Hammond ameshiriki kikao cha mzungumzo na mwenzake wa Cuba Bruno Rodríguez, katika ziara ya kwanza tangu mapinduzi ya mwaka 1959. Mazungumzo hayo yalijikita katika vigezo vinne muhimu: huduma za kifedha, kawi, elimu ya juu na utamaduni.

Read More

Kenyatta ataka hatua madhubuti kulinda ndovu

Rais wa Kenya Uhuru Kenyatta ametoa wito wa hatua madhubuti kuchukuliwa dhidi ya biashara haramu ya pembe, kabla ya kongamano la viongozi wa bara Afrika la kujadili mikakati ya kuwalinda ndovu.

Rais Kenyatta amesema kuwa ndovu wanakabiliwa na hatari ya kuangamizwa na kizazi kipya cha wawindaji haramu, waliojihami vilivo na walio na uhusiano wa kimataifa, na matokeo yake yamekuwa mabaya sana.

Read More

MAGAZETI YA LEO APRIL 29

Read More